ایل سی بی کی ٹیم نے دو چوروں کو گرفتار کیا

تقریباً۲؍لاکھ روپئے کے زیورات برآمد
ناندیڑ:۹؍اپریل (اعتماد نیوز)ناندیڑ شہر کے مختلف علاقوں میں مکانات میں پیش آئے چوری کے واقعات کا سراغ لگانے کا ذمہ ایس پی پرم جیت سنہہ دھیا نے ایل سی بی کی ٹیم کے سپرد کیا تھا ۔ ایل سی بی کے انسپکٹر سمپت شندے اور ان کی ٹیم نے چوری کے واقعات میں ملوث دو فرار چوروں کا سراغ لگاکر انہیں حراست میں لیا ۔ سید ذاکر سید جعفر (۲۵سال ) ، سید شاہد سید جعفر



(۲۱سال ) ان دونوں کو ایل سی بی ٹیم نے پکڑ لیا ۔ پولس تحقیقات میں دونوں نے قبول کیا کہ اےئرپورٹ پولس اسٹیشن ، بھاگیہ نگر پولس اسٹیشن ، شیواجی نگر پولس اسٹیشن کے حدود میں پیش آئے کچھ چوری کے واقعات میں یہ دونوں ملوث تھے ۔ پولس نے ان کے پاس سے تقریباً۲؍لاکھ روپئے کے سونے کے زیورات برآمد کئے جو انہوں نے مختلف مکانو ں سے چوری کئے تھے ۔ فی الحال ان دونوں چوروں کو اےئرپورٹ پولس کے حوالے کردیا گیا ہے ۔